ବରପାଲି-ବରପାଲି ଲିଟିଲ ଏଞ୍ଜେଲସ ପବ୍ଲିକ ସ୍କୁଲ ପରିସରରେ ଗୁରୁ ଦିବସ ସମାରୋହ ପାଳିତ ହୋଇଯାଇଛି। ବିଦ୍ୟାଳୟ ଛାତ୍ର ଛାତ୍ରୀ ମାନଙ୍କ ଦ୍ବାରା ବର୍ଣ୍ଣାଢ୍ୟ କାର୍ଯ୍ୟକ୍ରମ ଆୟୋଜିତ ହୋଇଥିଲା। ବିଦ୍ୟାଳୟ ପ୍ରିଫେକ୍ଟ ପ୍ରିୟାଂଶୁ ରାଜ ମିଶ୍ର ନିମନ୍ର୍ତିତ ଅତିଥି ବିଦ୍ୟାଳୟ ପ୍ରମୁଖଙ୍କ ପରିଚୟ ପ୍ରଦାନ ସହ ସ୍ୱାଗତ ଜଣାଇଥିଲେ । ଏହି ଅବସରରେ ଅନୁଷ୍ଠିତ ସାରସ୍ଵତ ସଭାରେ ବିଦ୍ୟାଳୟ ପରିଚାଳନା ନିର୍ଦ୍ଦେଶିକା ଶ୍ରୀମତୀ ସୁନିତା ମୁଣ୍ଡ ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଫଟୋଚିତ୍ର ନିକଟରେ ପ୍ରଦୀପ ପ୍ରଜ୍ଜ୍ଵଳନ ସହ କାର୍ଯ୍ଯକ୍ରମର ଉଦଘାଟନ କରିଥିଲେ। ଛାତ୍ରୀ ଆଦିଶ୍ରୀ ବେହେରା ଓ ଶୁଦ୍ଧାସୁମନ ଦୀପଙ୍କ ସଂଯୋଜନାରେ ସମାରୋହ ପରିଚାଳିତ ହୋଇଥିଲା। ନିର୍ଦ୍ଦେଶିକା ଶ୍ରୀମତି ମୁଣ୍ତ ଗୁରୁଦିବସର ତାତ୍ପର୍ଯ୍ଯ ସହ ଛାତ୍ରଛାତ୍ରୀ ଗଣଙ୍କ ଉତ୍ତମ ପଥ ପ୍ରଦର୍ଶକ ହେଉଛନ୍ତି ଗୁରୁ । ତାଙ୍କର ନିର୍ଦ୍ଦେଶିତ ରାସ୍ତାରେ ଚାଲିବାକୁ ପରାମର୍ଶ ଦେଇଥିଲେ l
ସାରସ୍ଵତ ସମାରୋହରେ ବିଦ୍ୟାଳୟ ଅଧ୍ୟକ୍ଷା ମଧୁସ୍ମିତା ମୁଣ୍ଡ, ଉପାଧ୍ଯକ୍ଷ ସୁଶୀଳ କୁମାର ରଥ, ପ୍ରଶାସନିକ ଅଧିକାରୀ ମିନତି ପ୍ରଧାନ ପ୍ରମୁଖ ଯୋଗ ଦେଇଥିଲେ। ଗୁରୁଶିଷ୍ଯ ପରମ୍ପରା ଏବଂ ପୁରାତନ ଓ ବର୍ତ୍ତମାନର ନିତିଗତ ଉଦ୍ଦେଶ୍ୟ ସଂପର୍କରେ ବୁଝାଇଥିଲେ । ଛାତ୍ରୀ ମାନେ ପ୍ରାରମ୍ଭିକ ସଂଗୀତ ଗାନ କରିବା ସହ ଅତିଥି ମାନଙ୍କୁ ଫୁଲ ଚନ୍ଦର ତିଲକ ଟିପା ଲଗାଇ ଗୁରୁବନ୍ଦନା ଗାନ ମାଧ୍ଯମରେ ସ୍ବାଗତ ଜଣାଇଥିଲେ । ଶ୍ରଦ୍ଧାସୁମନ ଦୀପଙ୍କ ଧନ୍ୟବାଦ ଅର୍ପଣ ପରେ ଶିକ୍ଷକ ଶିକ୍ଷୟିତ୍ରୀ ମାନଙ୍କ ଗହଣରେ ମିଳିତ ଭାବେ ଏକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।କାର୍ଯ୍ଯକ୍ରମରେ ଗୀତ,ନୃତ୍ୟ ନାଟକ, କୀର୍ତ୍ତନ ସହ ବିଭିନ୍ନ ପ୍ରକାରର କଉତୁକିଆ ଖେଳ ଓ ପ୍ରଶ୍ନୋତ୍ତର କାର୍ଯ୍ୟକ୍ରମ ମାନ ଆୟୋଜିତ ହୋଇଥିଲା। ପରେ କୃତୀ ଦଳ ମାନଙ୍କୁ ପୁରସ୍କୃତ କରାଯାଇଥିଲା l
