ଅତାବିରା(ସୁରେନ୍ଦ୍ର କଠାର)-ଅତାବିରା ବ୍ଲକ ବାରିକ ସମାଜର ବୈଠକ ରେଙ୍ଗାଲି ପାଲି ଠାରେ ଅନୁଷ୍ଠିତ ହୋଇଯାଇଛି । ବ୍ଲକ ବାରିକ ସମାଜର ସଭାପତି ହାରାଧନ ବାରିକଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକରେ ବଙ୍ଗଳା ଦେଶରେ ହିନ୍ଦୁମାନଙ୍କ ଉପରେ ଅତ୍ୟାଚାର କରୁଥିବା ଘଟଣାକୁ ନିନ୍ଦା କରାଯାଇ ଥିଲା । ଅଂଚଳରେ ସମାଜର ସବୁ ବର୍ଗର ସୁବିଧା ଅସୁବିଧାରେ ମିଳିମିଶି କାମ କରିବା ପାଇଁ ଆଲୋଚନା ହୋଇ ଥିଲା । ସଭାପତିଙ୍କ ମହାନତା ପାଇଁ ତାଙ୍କୁ ଧନ୍ୟବାଦ ଦିଆଯାଇଥିଲା ।
ଡିସେମ୍ବର କୋଡିଏ ତାରିଖରେ ହେବାକୁ ଥିବା ଜଡ଼ା ମଠ ବାର୍ଷିକ ଉତ୍ସବ ପାଇଁ ସମସ୍ତ ରାଜ୍ୟ ସ୍ତରୀୟ କର୍ମ କର୍ତ୍ତା ମାନଙ୍କୁ ଧନ୍ୟବାଦ ଦିଆ ଯାଇଥିଲା । ଏହି ବୈଠକରେ ବାରିକ ସମାଜର କାର୍ଯ୍ୟକାରୀ ସଭାପତି ରଘୁନାଥ ବାରିକ, ସମ୍ପାଦକ କାର୍ତ୍ତିକ ପଶାୟତ,ସଂଘର ସଭ୍ୟ ଦେବାର୍ଚ୍ଚନ ବାରିକ,ସରୋଜ ବାରିକ,ସତ୍ୟ ପଶାୟତ,ମନ ପଶାୟତ,ଜୀବର୍ଦ୍ଦନ ପଶାୟତ,ଦେବାନନ୍ଦ ବେହେରା,ଶଂକର ଭାନୁ ପଶାୟତ ପ୍ରମୁଖ ଯୋଗଦେଇଥିଲେ ।
