ନିର୍ବାଚନ ମୈଦାନ ରେ ଭାଇ ପ୍ରଚାରକ,ଭଉଣୀ ପାଇଁ ଭାଇଙ୍କ କର୍ତ୍ତବ୍ୟ ଓ ତ୍ୟାଗ ଦେଖି ଭୋଟର ଅଭିଭୂତ ।
ପଦ୍ମପୁର – ଆସନ୍ତା ମେ ୨୦ ତାରିଖରେ ପଦ୍ମପୁର ବିଧାନସଭା ଓ ଲୋକସଭା ନିର୍ବାଚନ । ନିର୍ବାଚନ ମୈଦାନରେ ବିଜୟୀ ହେବା ପାଇଁ ପ୍ରାର୍ଥୀ ମାନେ ସବୁଦମ ଲଗାଇ ଦେଇଛନ୍ତି । ପଦ୍ମପୁର ବିଧାନସଭା ନିର୍ଵାଚନ ମଣ୍ଡଲୀରେ ବିଜେଡି ପ୍ରାର୍ଥିନୀ ଵର୍ଷା ସିଂ ବରିହାଙ୍କ ପାଇଁ ଭାଇ ଭୋଜରାଜ ସିଂ ବରିହା ପ୍ରଚାରକ ସାଜିଛନ୍ତି । ପ୍ରଚଣ୍ଡ ଖରାତାତି କୁ ଖାତିରି ନକରି ସେ ଭଉଣୀ ଙ୍କ ପାଇଁ ଭୋଟ ମାଗିବା ସହିତ ବିଭିନ୍ନ ରେଲି ରେ ସାମିଲ ହେଉଛନ୍ତି । ଯୁବନେତା ଭୋଜରାଜ ସ୍ୱର୍ଗତ ବିଜୟ ରଞ୍ଜନ ସିଂ ବରିହା ଙ୍କ ଏକମାତ୍ର ପୁତ୍ର ହୋଇଥିବା ବେଳେ ରାଜନୀତି ରେ ସଂପୂର୍ଣ୍ଣ ନୂଆଁ । ରାଏପୁର ପରେ ଦିଲ୍ଲୀ ରେ ଶିକ୍ଷା ଲାଭ କରିଥିବା ଏହି ଯୁବ ଚେହେରା ୪୪/୪୫ ଡିଗ୍ରୀ ତାପମାତ୍ରା ରେ ଗାଁ ଗାଁ ବୁଲିବା ସହିତ ପିଲା ଠାରୁ ବୁଢା ପର୍ଯ୍ୟନ୍ତ ସମସ୍ତ ଙ୍କୁ ଆପଣାଉଛନ୍ତି । ଗତ୨୯ ତାରିଖ ରେ ଭଉଣୀ ଙ୍କ ପ୍ରାର୍ଥୀ ପତ୍ର ଦାଖଲ ପରେ ସେ ନିର୍ବାଚନ ମଣ୍ଡଳୀ ର ଉପାନ୍ତ ଗାଁ ମାନଙ୍କୁ ଯାଇ ଭଉଣୀ ବର୍ଷା ଙ୍କ ପାଇଁ ଭୋଟ ମାଗିଛନ୍ତି । ସେ ନବାଗତ ଓ ଉଚ୍ଚଶିକ୍ଷିତ ହେଲେବିତାଙ୍କ କର୍ତ୍ତବ୍ୟ ଓ ତ୍ୟାଗ ଭୋଟର ଙ୍କୁ ଆଚମ୍ଭିତ କରିଛି ।
