ଅତାବିରା(ସୁରେନ୍ଦ୍ର କଠାର)-ସରକାରୀ ବାଳିକା ଉଚ୍ଚ ବିଦ୍ୟାଳୟ ଅତାବିରା ଠାରେ ବ୍ଲକ୍ ସ୍ତରୀୟ କଳା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ଅବସରରେ ମଞ୍ଚାସିନ ଥିଲେ ଅତାବିରା ଗୋଷ୍ଠୀ ଶିକ୍ଷା ଅଧିକାରୀ ସୁଶ୍ରୀ ମିଶ୍ରାଣୀ କୁମ୍ଭାର, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ କାର୍ତ୍ତିକ ବାଗ ଏବଂ ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଗୀତାଞ୍ଜଳି ବେହେରା । ଏହି କଳା ପ୍ରତିଯୋଗିତା ସୁଭଦ୍ରା କାର୍ଯ୍ୟକ୍ରମ ଉପରେ ପର୍ଯ୍ୟବେଷିତ ଥିଲା । ଏଥିରେ ଅତାବିରା ବ୍ଳକ୍ ଅନ୍ତର୍ଗତ ବିଭିନ୍ନ ଉଚ୍ଚ ବିଦ୍ୟାଳୟ ତଥା ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରୀମାନେ ଅଂଶଗ୍ରହଣ କରିଥିଲେ ।
ସୁଭଦ୍ରା ଯୋଜନା ଉପରେ ଅଂଶଗ୍ରହଣକାରୀ ବିଭିନ୍ନ ପ୍ରକାର ଚିତ୍ର ଅଙ୍କନ କରିଥିଲେ । ଏହି ପ୍ରତିଯୋଗିତାରେ ଜହ୍ନାପଡା ଉଚ୍ଚ ବିଦ୍ୟାଳୟ ର ଅର୍ପିତା ପଧାନ,ପଞ୍ଚାୟତ ନୋଡାଲ ଉଚ୍ଚ ବିଦ୍ୟାଳୟ କାଦୋବାହାଲର ଡି. ଲକ୍ଷ୍ମୀ ଦୁର୍ଗା, ଆଞ୍ଚଳିକ ଆଦିବାସୀ ଉଚ୍ଚ ବିଦ୍ୟାଳୟର ଜୟଶ୍ରୀ ସୁନା ,ଅତାବିରା ମହାବିଦ୍ୟାଳୟର ସିମ୍ରନ୍ ସାହୁ ଓ ଗାୟତ୍ରୀ ସାହୁ ଙ୍କ ଦ୍ଵାରା ଅଙ୍କନ କରାଯାଇଥିବା ପାଞ୍ଚୋଟି ଚିତ୍ର ଶ୍ରେଷ୍ଠ ଚିତ୍ର ରୂପେ ଚୟନ ହୋଇଥିଲା । ଏହି ପାଞ୍ଚ ଜଣ ଛାତ୍ରୀ ଜିଲ୍ଲା ସ୍ତରୀୟ ପ୍ରତିଯୋଗିତାରେ ଭାଗ ନେବାକୁ ଯୋଗ୍ୟତା ହାସଲ କରିଥିଲେ ।
ଏହି ପ୍ରତିଯୋଗିତାରେ ବିଚାରକ ଥିଲେ ଶିକ୍ଷକ ସୁଦାମ ଭୋଇ ଏବଂ କଳା ଶିକ୍ଷକ ହରି ନାରାୟଣ କର୍ଣ୍ଣ । ସି.ଆର.ସି.ସି. ନନ୍ଦିଘୋଷ ଭୁଏ, ଋଷୁଭ ପଣ୍ଡା,ରଞ୍ଜନ ବାଗ,ଧରମ ନାଏକ, ରଶ୍ମୀରାଣୀ ନନ୍ଦ, ନୃପ ଭୋଇ,କୃତାର୍ଥ ଚନ୍ଦ୍ର ଭୁଏ,ରାଜୀବ ବିଶ୍ଵାଳ, କେଶବ ଛନ୍ଦ ଓ ଶିକ୍ଷକ ଗୋପବନ୍ଧୁ ମେହେର ସହଯୋଗ କରିଥିଲେ ।
