କୁଚିଣ୍ଡା(ତପନ ଦାଶ)- ଅନ୍ତର୍ଜାତୀୟ ବରିଷ୍ଠ ନାଗରିକ ଦିବସ ଉପଲକ୍ଷେ ଆଜି କୁଚିଣ୍ଡା ବରିଷ୍ଟ ନାଗରିକ ସଙ୍ଘ କୁଚିଣ୍ଡା ପକ୍ଷରୁ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ସଙ୍ଘର ସଭାପତି ଧୀରେନ୍ଦ୍ର କୁମାର ମହାନ୍ତିଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ କୁଚିଣ୍ଡା ତଥା ଆଖପାଖ ଅଞ୍ଚଳର ବରିଷ୍ଠ ନାଗରିକ ମାନେ ଯୋଗଦେଇ ଅଞ୍ଚଳର ସମସ୍ୟା ଓ ତାର ପ୍ରତିକାର, ସମାଜରେ ବରିଷ୍ଠ ନାଗରିକଙ୍କ ଭୂମିକା, ବରିଷ୍ଠ ନାଗରିକ ଙ୍କ ପାଇଁ ଉଦ୍ଧିଷ୍ଟ ସୁବିଧା ସୁଯୋଗର ସଦୁପଯୋଗ, ବ୍ୟାଙ୍କରେ ସେମାନଂକୁ ଆଦର ଓ ସମ୍ମାନର ସହିତ ସେବା ଯୋଗାଇବା, ପରିବାରରେ ଉପେକ୍ଷା ନ କରି ଉଚିତ ମର୍ଯ୍ୟାଦା ର ସହିତ ମିଳିମିଶି ରହିବା, ସେମାନଂକୁ କେବେବି ଅସମ୍ମାନ ନ କରି ବା ତାଙ୍କ ପ୍ରତି ସମ୍ବେଦନଶୀଳ ହେବା, ଆଦି ବିଷୟରେ ଆଲୋଚନା ହୋଇଥିଲା ।
ଏହି କାର୍ଯ୍ୟକ୍ରମରେ ଭକ୍ତ ବତ୍ସଲ ଶର୍ମା, ଶାନ୍ତନୁ ସାହୁ, ଜୟପ୍ରକାଶ ଗୁପ୍ତା, ତୁଲାରାମ ସାହୁ, ପର୍ଶୁରାମ ମିଶ୍ର, ପବିତ୍ରମୋହନ ଝାଙ୍କର, ପ୍ରଫୁଲ୍ଲ କୁମାର ସାହୁ, ଅଶୋକ ମହାପାତ୍ର, ଜୋହାନ କାମିଲା ଲାକ୍ରା, କିଶୋର ପ୍ରାଧାନ, ପ୍ରମୁଖ ଯୋଗଦେଇ ନିଜ ନିଜର ବକ୍ତ୍ବବ୍ୟ ପ୍ରଦାନ କରିଥିଲେ । ଏହି ଅବସରରେ ସମାଜ ସେବା ପାଇଁ ସାମ୍ବାଦିକ ତପନ ଦାଶ ଙ୍କୁ ବରିଷ୍ଠ ନାଗରିକ ଙ୍କ ତରଫରୁ ପୁଷ୍ପଗୁଛ ଦେଇ ସମ୍ମାନିତ କରାଯାଇଥିଲା ।
