ଅତାବିରା(ସୁରେନ୍ଦ୍ର କଠାର)- ଜତୀୟ ରାଜପଥ ୫୩ ର ଅତାବିରା ବସଷ୍ଟାଣ୍ଡ ଛକରେ ଏକ ପିକଅପ ଧକ୍କାରେ ଜଣେ ବାଇକ ଚାଳକର ମୃତ୍ୟୁ ଘଟିଛି। ଖବର ପାଇ ଅତାବିରା ପୋଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ଗ୍ରସ୍ତକୁ ଉଦ୍ଧାର କରି ଅତାବିରା ହସ୍ପିଟାଲକୁ ନେଇଥିଲେ। ଡାକ୍ତର ସେଠାରେ ମୃତ ଘୋଷଣା କରିଥିଲେ । ଦୁର୍ଘଟଣାରେ ମୃତ୍ୟୁ ବରଣ କରିଥିବା ବ୍ୟକ୍ତି ଜଣକ ହେଲେ ଅତାବିରା ଥାନା ଲସ୍ତଲା ଗ୍ରାମର ରାମଚନ୍ଦ୍ର ମେହେର ।
ସୂଚନାଯୋଗ୍ୟ ଯେ ସେ କୌଣସି କାମରେ ଅତାବିରା ଆସି ବସଷ୍ଟାଣ୍ଡ ଛକ ଦେଇ ବାଇକରେ ଅତିକ୍ରମ କରୁଥିବା ବେଳେ ବରଗଡ ପଟରୁ ଆସୁଥିବା ମାଲ ବୋଝେଇ ପିକପ ଭେନ ଓଡ଼ି-୧୭-ଏମ-୪୪୨୯ ଧକ୍କା ଦେଇଥିଲା।ଫଳରେ ବାଇକ ଚାଳକ ପିକପ ଭେନ ତଳେ ଚାପି ହୋଇ ଯାଇଥିଲେ। ପିକଅପକୁ ଜବତ କରି ପୋଲିସ ତଦନ୍ତ ଜାରି ରହିଛି ।
