ପାଇକମାଲ-ଝିଟିକି ପଞ୍ଚାୟତ ଅନ୍ତର୍ଗତ ପଥରେଲ ଗ୍ରାମରେ ମହାଶକ୍ତି ଫାଉଣ୍ଡେସନ ଏବଂ ଏଲ୍,ଟି,ଆଇ,ମାଇଣ୍ଡ, ଟ୍ରି ଫାଉଣ୍ଡେସନର ମିଳିତ ଆନୁକୁଲ୍ୟରେ ପୋଷଣ ମାସ ପାଳନ ହୋଇଯାଇଛି । ଉକ୍ତ ସଭାରେ ଅଙ୍ଗନ ୱାଡି ସୁପରଭାଇଜର ଜତନି ହରିଜନ, ନାଏକ ସରପଞ୍ଚ ପୁନେ ଧରୁଆ ତଥା ଝିଟିକୀ, ମୁନେଇକେଲ, ପଥରେଲ୍ ଓ ଖଲିଆମୁଣ୍ଡା ଗ୍ରାମର ଏବଂ ପଞ୍ଚାୟତର ସମସ୍ତ ଅଙ୍ଗନୱାଡ଼ି କର୍ମୀ,ଆଶାକର୍ମୀ ଓ ଏଲ.ଏମ୍ ର ଏମବିକେ ଓ ସିଆରପି, ଗର୍ଭବତୀ ମହିଳା,ପ୍ରସୂତୀ ମା ଓ କିଶୋରୀ ବାଳିକା ମାନେ ଯୋଗଦେଇଥିଲେ ।
ଏହି ଉତ୍ସବରେ ମହାଶକ୍ତି ଫାଉଣ୍ଡେସନ ତରଫରୁ ସ୍ବାସ୍ଥ୍ୟ ଓ ପୋଷଣ ବିଭାଗ ପକ୍ଷରୁ ପୂର୍ବତନ ଶିଶୁ ବିକାଶ ପ୍ରକଳ୍ପ ଅଧିକାରିଣୀ ପ୍ରଜ୍ଞାରାଣୀ ବାରିକ ,ପାଇକମାଲ ବ୍ଲକ୍ ସଂଯୋଜକ ହାରାଧନ ବରିହା ଓ ସମେତ ଅଜିତ କୁମାର ପୁଟା ,ପବିତ୍ର ଭୋଇ ଓ ସିଆରପି ମାନେ ମଧ୍ୟ ଉପସ୍ଥିତଥିଲେ। ସମସ୍ତ ଗର୍ଭବତୀ ମହିଳା ଓ ପ୍ରସୂତୀ ମାଆ ଓ କିଶୋରୀ ବାଳିକା ମାନେ କିପରି ଭାବେ ନିଜ ସ୍ବାସ୍ଥ୍ୟପ୍ରତି ପୋଷଣ ଖାଦ୍ୟ ଖାଇପାରିବେ ,ଖାଦ୍ୟର ବିବିଧତା ବୃଦ୍ଧି କରିପାରିବେ,ନିଜ ସ୍ୱାସ୍ଥ୍ୟର ବିଶେଷ ମହତ୍ତ୍ଵ ଉଦାହରଣ ସହ ସ୍ବାସ୍ଥ୍ୟ ବିଶେଷଜ୍ଞ ପ୍ରଜ୍ଞାରାଣୀ ବାରିକ ବିସ୍ତୃତ ଭାବେ ବୁଝାଇଥିଲେ ।
