ପାଇକମାଲ-ପାଇକମାଲ ବ୍ଲକ ଝାରବନ୍ଧ ରାସ୍ତା ଚୁହାପାଲି ବ୍ରିଜ ପାଖରେ ଏକ ମର୍ମନ୍ତୁଦ ଟ୍ରକ ଦୁର୍ଘଟଣାରେ ଜଣେ ଯୁବକର ଅକାଳ ମୃତ୍ୟୁ ହୋଇଯାଇଛି। ମୃତକ ହେଲେ ଚୂହାପାଲି ଗ୍ରାମର ୨୦ ବର୍ଷିୟ ରାଜେଶ କୁମ୍ଭାର । ପ୍ରାପ୍ତ ବିବରଣିରୁ ଜଣାପଡିଛି ଯେ ସୋମବାର ଓଡି୧୫ ସି ୧୨୯୪ ନମ୍ବରର ଟ୍ରକ ଝାରବନ୍ଧ ବ୍ଲକ ବିଳାସପୁର ଧାନମଣ୍ଡିରୁ ଧାନବସ୍ତା ଫୁଲ ଲୋଡ଼ କରି ପଦ୍ମପୁର ରାଇସ ମିଲକୁ ଡ୍ରାଇଭର କୋଦଣ୍ଡ ଭୋଇ ଗାଡି ଚଲାଇ ନେଉଥିଲା।
ଚୁହାପାଲି ବ୍ରିଜ ପାର ହୋଇ ଆସୁଥିବା ବେଳେ ରାଜେଶ କୁମ୍ଭାରକୁ ଧକ୍କା ଦେଇ ଆଗକୁ ପଳାଇ ଯାଇଥିଲା। ଘଟଣା ସ୍ଥଳରେ ଯୁବକ ରାଜେଶ ମୃତ୍ୟୁ ବରଣ କରି ପଡି ଥିବାବେଳେ ଗ୍ରାମବାସୀ ଉକ୍ତ ଦୁର୍ଘଟଣା ଦେଖି ଟ୍ରକକୁ ଅଟକାଇ ଘଟଣା ସ୍ଥଳରେ ରାସ୍ତା ରୋକ କରିଥିଲେ ଗ୍ରାମବାସୀ। ପାଇକମାଲ ପୋଲିସ ଖବର ପାଇ ଘଟଣା ସ୍ଥଳକୁ ପାଇକମାଲ ତହସିଲଦାର ସିନ୍ଧୁସୁତା ପାତ୍ରଙ୍କ ସହ ପହଞ୍ଚିଥିଲା ।
ଗ୍ରାମବାସୀ ଗରିବ ପରିବାରକୁ କିଛି ସାହାଯ୍ୟ ୧୦ ଲକ୍ଷ ଟଙ୍କା ଦେବା ପାଇଁ ଅଡ଼ି ବସିଥିଲେ ପରେ ଗାଡି ମାଲିକ ଆଶ୍ୱାସନା ଦେଇ କିଛି ଟଙ୍କା ପରିବାରକୁ ଅନୁକମ୍ପା ରାଶି ସାହାଯ୍ୟ କରିବାରୁ ଲୋକେ ଧାରଣରୁ ଉଠିଥିଲେ ଓ ଶବକୁ ବ୍ୟବଛେଦ ପାଇଁ ପଦ୍ମପୁର ପଠାଯାଇଥିଲା । ମୃତ ରାଜେଶର ବାପା ବାସୁଦେବ କୁମ୍ଭାର ଏକ ଗରିବ ଶ୍ରେଣୀର ହୋଇ ଥିବାରୁ ତାଙ୍କୁ କିଛି ସରକାରୀ ସାହାଯ୍ୟ ମିଳୁ ବୋଲି ତହସିଲଦାରଙ୍କୁ ଗ୍ରାମବାସୀ ଦାବୀ କରିଛନ୍ତି ।
