ପଦ୍ମପୁର-ରାଜବୋଡ଼ାସମ୍ବର ଉଚ୍ଚ ବିଦ୍ୟାଳୟ, ପଦ୍ମପୁର ରେ ଦ୍ଵିତୀୟ ଅଭିଭାବକ ଶିକ୍ଷକ/ଶିକ୍ଷୟିତ୍ରୀ ତଥା ବିଦ୍ୟାଳୟ ପରିଚାଳନା /ବିଦ୍ୟାଳୟ ପରିଚାଳନା କମିଟି ବୈଠକ ଅନୁଷ୍ଠିତ ହୋଇଯାଇଛି ।ବିଦ୍ୟାଳୟ ର ଭାରପ୍ରାପ୍ତ ପ୍ରଧାନ ଶିକ୍ଷକ ଶ୍ରୀ ଅଭିଳାଷ ସାହୁ ଙ୍କ ସଭାପତିତ୍ବ ରେ ଅନୁଷ୍ଠିତ ଏହି ବୈଠକ ରେ MSA ଚେୟାରମ୍ୟାନ୍ ଶ୍ରୀଯୁକ୍ତ ଚନ୍ଦ୍ରଭାନୁ ପଧାନ ମୁଖ୍ୟ ଅତିଥି ଭାବେ ,SMC ଚେୟାରମ୍ୟାନ ଶ୍ରୀ ସୁଶାନ୍ତ ସାହୁ ସମ୍ମାନିତ ଅତିଥି ଭାବେ , ବରିଷ୍ଠ ଶିକ୍ଷକ ଶ୍ରୀ ମୋହନ ବନଛୋର ଏବଂ ଅତିଥି ଶିକ୍ଷକ ଶ୍ରୀଯୁକ୍ତ ବୃନ୍ଦାବନ ଦାଶ ପ୍ରଭୃତି ମଞ୍ଚାସୀନ ଥିଲେ । ଶିକ୍ଷୟିତ୍ରୀ ପ୍ରୀତିରଶ୍ମୀ ସେଠ୍ ଅତିଥି ପରିଚୟ ସହ ସ୍ବାଗତ ଅଭିଭାଷଣ ପ୍ରଦାନ କରିଥିଲେ ।
ଉକ୍ତ ବୈଠକ ରେ ୯୫ ଜଣ ଅଭିଭାବକ ଅଭିଭାବିକା ଯୋଗ ଦେଇ ବୈଠକ ର ଆଲୋଚନା ରେ ସକ୍ରିୟ ଅଂଶ ଗ୍ରହଣ କରିଥିଲେ । ଏହି ବୈଠକ ରେ ଛାତ୍ର ମାନଙ୍କ ନିରାପତ୍ତା ବ୍ୟବସ୍ଥା,ବିଦ୍ୟାଳୟ ରେ ୟୁଥ୍ ଓ ଇକୋକ୍ଲବ ଗଠନ,ଅନଲାଇନ୍ ସୁରକ୍ଷା ଓ ସାଇବର ସଚେତନତା,ସ୍ବଚ୍ଛତା ପକ୍ଷପାଳନ,ସୁରଭି-୨୦୨୪,ଛାତ୍ରମାନଙ୍କ ବୟସ ଅନୁଯାୟୀ ନାମଲେଖା ଓ ନିୟମିତ ଭାବରେ ଶିକ୍ଷା ସମାପ୍ତି କୁ ସୁନିଶ୍ଚିତ କରିବା ଆଦି ଆଲୋଚିତ ହେବା ସଙ୍ଗେ ସଙ୍ଗେ ଅଭିଭାବକ ଅଭିଭାବିକା ମାନଙ୍କ ଠାରୁ ବିଦ୍ୟାଳୟ ଶିକ୍ଷାର ସର୍ବାଙ୍ଗୀନ ଉନ୍ନତି ନିମନ୍ତେ ଗଠନ ମୂଳକ ପ୍ରସ୍ତାବ ଗୁଡିକ ମଧ୍ୟ ଆଲୋଚନା ହୋଇଥିଲା ।
ଶେଷରେ ଶିକ୍ଷୟିତ୍ରୀ ତୃପ୍ତିମୟୀ ଝଗରା ଧନ୍ୟବାଦ ଅର୍ପଣ କରିଥିଲେ । ବିଦ୍ୟାଳୟ ର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଏବଂ ଚତୁର୍ଥ ଶ୍ରେଣୀ କର୍ମଚାରୀ ଉକ୍ତ କାର୍ଯ୍ୟକ୍ରମର ସୁପରିଚାଳନା ରେ ସହଯୋଗ କରିଥିଲେ ।
