ପଦ୍ମପୁର- ପଦ୍ମପୁର ସହର ଦେଇ ବିଜୁ ଏକ୍ସପ୍ରେସ ୱେ ଯାଇଛି। ପ୍ରତ୍ୟେକ ଦିନ ଏହି ରାସ୍ତାରେ ହଜାର ହଜାର ଭାରିଯାନ, ସାଧାରଣ ଯାନ ବାହନ ଯିବା ଆସିବା କରିଥାଏ। ନିମ୍ନମାନର କାମ ଯୋଗୁଁ ବର୍ତ୍ତମାନ ଏହି ରାସ୍ତାର ସ୍ଥିତି ଅତି ସାଂଘାତିକ ହୋଇପଡିଛି । ସହରର ବିଭିନ୍ନ ସ୍ଥାନରେ ରାସ୍ତା ଦବିଯାଇ ଗାତ ହୋଇଯାଇଛି ।
ଏହି ଗାତ ଯୋଗୁଁ ଲୋକମାନେ ଦୁର୍ଘଟଣାର ଶିକାର ହେଉଛନ୍ତି । ଦୀର୍ଘଦିନ ହେବ ପଦ୍ମପୁର ସହରର ବିଦ୍ୟୁତ ବିଭାଗ ଅଫିସ ସମ୍ମୁଖ ଉଭୟ ପାର୍ଶ୍ବ ରାସ୍ତାରେ ବଡ ବଡ ଗାତ ହୋଇଯାଇଛି । ହେଲେ ପୂର୍ତ୍ତବିଭାଗ ଅଣଦେଖା କରି ଚାଲିଛି । ପୂର୍ତ୍ତବିଭାଗ ଏସଡିଓ ପ୍ରତ୍ୟେକ ଦିନ ଏହି ରାସ୍ତାରେ ଯିବା ସରକାରୀ ଗାଡିରେ ଯିବା ଆସିବା କରୁଛନ୍ତି ।
ହେଲେ ସେ ଧୃତରାଷ୍ଟ୍ର ଭଲି ନିଜ ଆଖିରେ ଧଳା ପଟି ବାନ୍ଧି ଏହି ରାସ୍ତାର ଦୁରବସ୍ଥାକୁ ଅଣଦେଖା କରୁଛନ୍ତି । ତାଙ୍କର ଏହି ଅଣଦେଖା କାରଣରୁ ଲୋକଙ୍କ ବହୁମୂଲ୍ୟ ଧନ ଜୀବନ ନଷ୍ଟ ହେଉଛି । ଏ ବିଷୟରେ ପଦ୍ମପୁର ଉପଖଣ୍ଡ ପ୍ରଶାସନ ପଦକ୍ଷେପ ନେଇ ରାସ୍ତା ଶୀଘ୍ର ମରାମତି କରିବା ପାଇଁ ବୁଦ୍ଧିଜୀବୀ ମହଲରେ ଦାବୀ ହେଉଛି ।
