ଝାରବନ୍ଧ(ବଂଶୀଧର ନାୟକ)-ଝାରବନ୍ଧ ବ୍ଲକ ଅନ୍ତର୍ଗତ ଡଭା ଉଚ୍ଚ ମାଧ୍ୟମିକ ବିଦ୍ୟାଳୟ,ଡଭା ଠାରେ ଯୁବକବି ସତ୍ୟ ଭୂଷଣ ସାହୁଙ୍କ ସଂଯୋଜନାରେ “ମାଁ ପାଇଁ ଗଛଟିଏ” ବନମହୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏହି କାର୍ଯ୍ୟକ୍ରମକୁ ଅନୁଷ୍ଠାନର ଯୁବ ରେଡକ୍ରସ୍ ସଂସ୍ଥା ଆୟୋଜନ କରିଛି।
ଏହି କାର୍ଯ୍ୟକ୍ରମରେ ଅନୁଷ୍ଠାନ ର ଅଧ୍ୟକ୍ଷ କୃଷ୍ଣଚନ୍ଦ୍ର ଥପା, ଯୁବ ରେଡକ୍ରସ୍ ସଂସ୍ଥା ର କାଉନସିଲର ସଂଜୀବ କୁମାର ସାହୁ,ଦୟାସାଗର ନାୟକ, ଅଧ୍ୟାପକ ରଜତ ପ୍ରଧାନ, ସୁଧିର କୁମାର ରଥ,ଯୁବକବି ସତ୍ୟ ଭୂଷଣ ସାହୁ, ଫରେଷ୍ଟ ଗାର୍ଡ ପ୍ରତିମା ସୁନା,ମଦନ ଡନସନା,ଗିରିସ୍ ଡନସନା ଓ ଛାତ୍ରଛାତ୍ରୀ ମାନେ ଉପସ୍ଥିତ ଥିଲେ।ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଶ୍ରୀଯୁକ୍ତ ହେମଲୟା ସାହୁ ଓ ଅଶୋକ ସାହୁ ଯୋଗଦାନ କରିଥିଲେ।
ଏହି ବନମହୋତ୍ସବ ରେ ୨୦୦ଟି ସାଗୁଆନ୍,ଶିଶୋ,କରଞ୍ଜ,ଅଁଳା,ବାହାଡା, ଜାମୁକୋଳି, ପିଜୁଳି, ଅମୃତଭଣ୍ଡା ଓ ସଜନା ଚାରା ରୋପଣ କରାଯାଇଥିଲା। ଶେଷରେ ସଂଜୀବ କୁମାର ସାହୁ ସମସ୍ତଙ୍କୁ ଧନ୍ୟବାଦ ଜ୍ଞାପନ କରିଥିଲେ।
