ପଦ୍ମପୁର-ପଦ୍ମପୁର ଉପଖଣ୍ଡ ଖଇରପାଲି ନିକଟସ୍ଥ ଗୁଠୁର୍ଲା ଛକ ନିକଟରେ ଆଜି ସକାଳୁ ଏକ ଟ୍ରକ ଧକ୍କାରେ ଜଣେ ଯୁବକଙ୍କ ମୃତ୍ଯୁ ହୋଇଥିବା ସୂଚନା ରହିଛି । ମୃତ ଯୁବକ ଜଣକ ହେଉଛନ୍ତି ବୁଡେନ ଥାନା ଅନ୍ତର୍ଗତ ଭେଲୁଆଁପଦରର ୨୭ ବର୍ଷୀୟ କୈଳାଶ ସାହୁ । ସୂଚନା ଅନୁସାରେ କୈଳାଶ କିଛି ଦିନ ପୂର୍ବରୁ ବିବାହ କରିଥିଲେ ।
ପ୍ରଥମ କରି ତାଙ୍କ ଶ୍ବଶୁର ଘରକୁ ଯିବା ପାଇଁ ଖଇରପାଲି କୁ ମିଠା କିଣିବା ପାଇଁ ଯାଇଥିଲେ , ବିପରୀତ ଦିଗରୁ ତୀବ୍ର ବେଗରେ ଆସୁଥିବା ଏକ ଟ୍ରକ ଧକ୍କା ଦେବା ଯୋଗୁଁ ଘଟଣା ସ୍ଥଳରେ ତାଙ୍କ ମୃତ୍ୟୁ ହୋଇଛି । ଘଟଣା ସ୍ଥଳରେ ବୁଡେନ ପୋଲିସ ପହଞ୍ଚି ଶବ ଜବତ କରି ବ୍ଯବଚ୍ଛେଦ ପାଇଁ ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ପଠାଇଛନ୍ତି ଏବଂ ତଦନ୍ତ ଯାରି ରଖିଛି ।
