ପାଇକମାଲ-ପାଇକମାଲ ପୋଲିସ ବୁଧବାର ରାତ୍ରରେ ପେଟ୍ରୋଲିଙ୍ଗ କରୁଥିବା ବେଳେ ବିଶ୍ବସ୍ତ ସୂତ୍ରରୁ ଏକ ଟ୍ରକ ରେ ଗୋରୁ ଚାଲାଣ ହେଉଥିବା ଖବର ପାଇଥିଲେ । ରାତ୍ର ୨ଟାରେ ପାଇକମାଳ ପଦ୍ମପୁର ରାସ୍ତା ମାଗୁରମାଲ ନିକଟରେ ଟ୍ରକ ନମ୍ବର ଏଚପି ୩୮ ଏଚ ୬୦୯୫ କୁ ଅଟକାଇ ଥିଲେ । ସେଥିରୁ ୩୯ଗୋଟି ବଳଦ ଥିବା ଦେଖି ଗାଡିରେ ଥିବା ଡ୍ରାଇଭର ରିଜବାନ ଓ ଅନ୍ୟ ଦୁଇଜଣ ସବାବ ଏବଂ ସାହିବ. ଙ୍କୁ କାବୁ କରି ପାଇକମାଳ ଥାନାକୁ ଆଣିଥିଲେ ।
ପାଇକମାଲ ଥାନା ଅଧିକାରୀ କୈଳାସ ଚନ୍ଦ୍ର ପ୍ରଧାନ, ଏଏସଆଇ ସଚିଦାନନ୍ଦ ପ୍ରଧାନ, ଅନାଦୀ ସାହୁ, ସଙ୍କଳ୍ପ ସାହୁ ସେହି ଗୋରୁ ବୋଝାଇ ଗାଡିକୁ ପାଇକମାଲ ଥାନାକୁ ଆଣିବା ପରେ କେସ ନମ୍ବର ୬୮/୨୫ ରେ ମାମଲା ରୁଜୁ କରିଥିଲେ ।
ସେମାନଙ୍କ ପାଖରୁ ୩୩୫୦ ଟଙ୍କା ସହ ୪ଟି ମୋବାଇଲ ଜବତ କରି ଗୁରୁବାର ଅଭିଯୁକ୍ତମାନଙ୍କୁ ପଦ୍ମପୁର କୋଟକୁ ପଠାଇ ଥିବା ବେଳେ ସମସ୍ତ ୩୯ ଟି ବଳଦମାନଙ୍କୁ ପାଇକମାଳ ଗନ୍ଧମାର୍ଦ୍ଦନ ଗୋସାଳାରେ ରଖା ଯାଇଛି ବୋଲି ପାଇକମାଳ ଥାନା ଅଧିକାରୀ ଶ୍ରୀ ପ୍ରଧାନ ଜଣାଇଛନ୍ତି ।
