ପଦ୍ମପୁର- ବାସନ୍ତିକ ନବରାତ୍ର ଦୁର୍ଗାପୂଜା ପଦ୍ମପୁର ବନଦୁର୍ଗା ମନ୍ଦିର ଠାରେ ଆସନ୍ତା ଏପ୍ରିଲ ୦୯ ତାରିଖ ମଙ୍ଗଳବାର ଦିନ ଚୈତ୍ର ପକ୍ଷ ଶୁକ୍ଲପକ୍ଷ ପ୍ରତିପଦା ଲଗ୍ନ ଅନୁସାରେ ଆରମ୍ଭ ହେବ । ସକାଳ ୭ଘ.୩୦ମିନିଟ ସମୟରେ କଳସାଧିବାସ , ଅଙ୍କୁରାରୋପଣ ଓ ବାସନ୍ତିକ ନବ ଦିନାତ୍ମକ ପୂଜାରମ୍ଭ ହେବା ସହ ଅଖଣ୍ଡ ଦୀପ ପ୍ରଜ୍ୱଳନ ଆରମ୍ଭ ହେବ । ଏହି ନବରାତ୍ର ପୂଜା ଆଗାମୀ ଏପ୍ରିଲ ୧୮ ତାରିଖ ଗୁରୁବାର ଦିନ ଚୈତ୍ର ଶୁକ୍ଲପକ୍ଷ ଦଶମୀ ଦିନ ସକାଳ ୯ଘ.୧୦ ମିନିଟ ସମୟରେ ପୂର୍ଣ୍ଣାହୁତି ଓ ଘଟ ବିସର୍ଜନ ହେବ ବୋଲି ପୂଜା କମିଟି ସଭାପତି ପ୍ରଭାତ ନାରାୟଣ ତ୍ରିପାଠୀ ଓ ସମ୍ପାଦକ ଗୋପାଳ ଚନ୍ଦ୍ର ଭୋଇ ସୂଚନା ଦେଇଛନ୍ତି । ଯେଉଁ ଭକ୍ତ ମାନେ ଅଖଣ୍ଡ ଦୀପ ପ୍ରଜ୍ୱଳନ ପାଇଁ ଇଚ୍ଛୁକ ସେମାନେ ପୂଜା କମିଟି ସହ ଯୋଗାଯୋଗ କରି ନିଜ ମନସ୍କାମନା ପୂର୍ଣ୍ଣ କରି ପାରିବେ । ପ୍ରତ୍ୟେକ ଦିନ ଭକ୍ତ ମାନଙ୍କ ପାଇଁ ବିଭିନ୍ନ ପ୍ରକାର ଭୋଗର ବ୍ୟବସ୍ଥା ମଧ୍ୟ ରହିଥିବା ପୂଜା କମିଟି ସୂଚନା ଦେଇଛନ୍ତି ।
