ବରଗଡ଼ – ବରଗଡ଼ ଉପକଣ୍ଠ ଡାଙ୍ଗ ଗ୍ରାମରେ ୨୬ତମ ଗଜଳଷ୍ମୀ ପୂଜା ଅବସରରେ ମାଁ ଗଜଳଷ୍ମୀଙ୍କ ପୂଜାର୍ଚ୍ଚନା ପରେ ନେତାଜୀ ଯୁବକ ସଙ୍ଘ ଓ ସଂକଳ୍ପ ପରିବାର,ବରଗଡ଼ର ମିଳିତ ଆନୁକୂଲ୍ୟରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।
ଆଜିର ରକ୍ତଦାନ ଶିବିରରେ ଅତିଥି ଭାବରେ ବରଗଡ଼ ବିଧାୟକ ଶ୍ରୀ ଅଶ୍ୱିନୀ ସରଙ୍ଗୀ, ପୂର୍ବତନ ବିଧାୟକ ଶ୍ରୀ ଦେବେଶ ଆଚାର୍ଯ୍ୟ ଓ ଶ୍ରୀ ସାଧୁ ନେପାକ, ଡି. ନାଗେଶ୍ୱର ରାଓ ପ୍ରମୁଖ ଯୋଗଦାନ କରି ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ଆଜିର ରକ୍ତଦାନ ଶିବିରରେ ୧୬ ଜଣ ମହିଳା ରକ୍ତଦାତା ସମେତ ମୋଟ ୫୧ ୟୁନିଟ ରକ୍ତ ବରଗଡ଼ ରକ୍ତଭଣ୍ଡାର କର୍ମଚାରୀଙ୍କ ଦ୍ଵାରା ସଂଗ୍ରହ କରାଯାଇଥିଲା ।
ସଂକଳ୍ପ ପରିବାର ସଭାପତି ବିକାଶ ଅଗ୍ରୱାଲ, ସମ୍ପାଦକ ଜି ରମେଶ ଙ୍କ ତତ୍ୱାବଧାନରେ ପ୍ରତ୍ୟୁଷ ସରଙ୍ଗୀ ,ସିମରନ ପଧାନ, ରୁବିରାଣୀ ପାଢ଼ୀ, ବାସ୍ମତି ବଞ୍ଚର, ସୁରେନ ଭୁଏ, ଦେବେନ ଭୁଏ ,ଆକାଶ ପାଣ୍ଡେ , ଚନ୍ଦନ ପଧାନ, ଙ୍କ ସହିତ ନେତାଜୀ ଯୁବକ ସଂଘର ସାହିଲ ଥପାଙ୍କ ସଭାପତିତ୍ୱରେ ଶଙ୍କର ଠେଲା, କରୁଣା ଭୋଇ, ମନୋଜ କୁମାର ମାଝୀ, ନିର୍ମଳ ଠେଲା, ଟିଙ୍କୁ ରାଉତ, ଆଶିଷ ପାଣିଗ୍ରାହୀ, ଆୟୁଷ ପାଣିଗ୍ରାହୀ, ସୁଜିତ ପାଣିଗ୍ରାହୀ, ହୃଷିକେଶ ବଗର୍ତ୍ତି, ରାଜୁ ବଗର୍ତ୍ତି, ପଞ୍ଚମ ଠେଲା ପ୍ରମୁଖ ଉପସ୍ଥିତ ରହି ଶିବିର କୁ ସଫଳ କରିଥିଲେ ।
