ପଦ୍ମପୁର – ପଦ୍ମପୁର ସହର ତଥା ଆଖପାଖ ଅଞ୍ଚଳରେ ରବିବାର କାଳ ବୈଶାଖିର ତାଣ୍ଡବ ପରିଲକ୍ଷିତ ହୋଇଥିଲା। କାଳ ବୈଶାଖି ଯୋଗୁଁ ବିଭିନ୍ନ ସ୍ଥାନରେ କ୍ଷୟକ୍ଷତି ହୋଇଥିବା ଦେଖିବାକୁ ମିଳିଛି । ସହରର ବିଭିନ୍ନ ସ୍ଥାନର ଉଠା ଦୋକାନ ଗୁଡିକ ଭାଙ୍ଗି ଯିବା ସହ ଘରର ଆଜବଷ୍ଟେସର ନଷ୍ଟ ହୋଇଥିବା ଦେଖିବାକୁ ମିଳିଛି ।
ପଦ୍ମପୁର ନିକଟସ୍ଥ କଂସର ଛକ ଓ ଜମରତଲା ଠାରେ କାଳ ବୈଶାଖି ଯୋଗୁ ବଡବଡ ଗଛ ରାସ୍ତା ଉପରେ ପଡି ରହିଥିଲା । ସ୍ଥାନୀୟ ଲୋକ ପଦ୍ମପୁର ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନିଶମ ବାହିନୀ ପହଞ୍ଚି ଗଛ ଗୁଡ଼ିକ କାଟି ରାସ୍ତା ସଫା କରିଥିଲେ ଏବଂ ଯିବାଆସିବ ସ୍ବାଭାବିକ ହୋଇଥିଲା ।
