ବରପାଲି-ବରପାଲି ବ୍ଳକ ଚିକିନିପାଲି ଫାର୍ମ ହାଉସ ଖେଳପଡ଼ିଆରେ ଏଞ୍ଜେଲସ ଏକାଡେମୀର ଆନ୍ତଃ ବିଦ୍ୟାଳୟ ସ୍ତରିୟ ବନ୍ଧୁତ୍ଵପୂର୍ଣ୍ଣ କ୍ରିକେଟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ମୁଖ୍ୟଅତିଥି ଭାବରେ ସୋନପୁର ମେଣ୍ଡା ଆଶ୍ରମ ବିଦ୍ୟାଳୟ ସହକାରୀ ବିଜ୍ଞାନଶିକ୍ଷକ ତେଜରାଜ ମେହେର କାର୍ଯ୍ଯକ୍ରମକୁ ଉଦ୍ଘାଟନ କରିଥିଲେ । ବିଦ୍ୟାଳୟ ସଂଚାଳନ ମୁଖ୍ୟ ରୋହିତ ରୟ ଓ ପ୍ରଶାସନିକ ଅଧିକାରୀ ଶ୍ରୀମତୀ ମିନତି ପ୍ରଧାନ ଅମ୍ପାୟାର ଆନନ୍ଦ ଛତ୍ରିଆ ଓ ବିନୋଦ ବଗର୍ତ୍ତୀ ପ୍ରମୁଖ ଯୋଗ ଦେଇଥିଲେ । ପ୍ରାରମ୍ଭ ମ୍ଯାଚ ଡୁଙ୍ଗୁରିପାଲି ଲିଟିଲ ଏଞ୍ଜେଲସ ପବ୍ଲିକ ସ୍କୁଲ ବାଳକ କ୍ରିକେଟ ଦଳ ଅଧିନାୟକ ଜିତେନ୍ଦ୍ର ବେହେରା ଟସ ଜିଣି ବ୍ୟାଟିଂ ପର୍ବ ଆରମ୍ଭ କରିଥିଲେ। ଦଳ ମୋଟ ୪୧ ରନ ସଂଗ୍ରହ କରି ସମସ୍ତ ଖେଳାଳୀ ଆଉଟ ହୋଇଥିଲେ।
ପରେ ପ୍ରତିଦ୍ବନ୍ଦି ଦଳ ବରପାଲି ଲିଟିଲ ଏଞ୍ଜେଲସ ପବ୍ଲିକ ସ୍କୁଲ ବାଳକ କ୍ରିକେଟ ଦଳ ପ୍ରିୟମ ପ୍ରଧାନଙ୍କ ଅଧିନାୟକତ୍ୱରେ ଖେଳାଳୀ ମାନେ ଦୁଇ ଓଭର ଓ ଦୁଇଟି ବଲରେ ନିର୍ଦ୍ଧାରିତ ଲକ୍ଷ୍ୟ ପୂରଣ କରି ବିଜୟ ହାସଲ କରିଥିଲେ । ସେହିପରି ବରପାଲି ଲିଟିଲ ଏଞ୍ଜେଲସ ପବ୍ଲିକ ସ୍କୁଲର ବାଳିକା କ୍ରିକେଟ ଦଳ ଅଧିନାୟିକା ଦେବଶ୍ରୀ ନାୟକ ଙ୍କ ନେତୃତ୍ଵରେ ଖେଳାଳୀ ମାନେ ୧୦ ଓଭରରେ ୧୨୮ରନ ସଂଗ୍ରହ କରିଥିବା ବେଳେ ଡୁଙ୍ଗୁରିପାଲି ଲିଟିଲ ଏଞ୍ଜେଲସ ପବ୍ଲିକ ସ୍କୁଲ ବାଳିକା କ୍ରିକେଟ ଦଳ ଟସ୍ ଜିଣି କ୍ୟାପଟନ ଅଳକା କୁମାରୀଙ୍କ ଦଳ ଦଳ ୧୦ ଓଭରରେ ୫୭ ରନ୍ ସଂଗ୍ରହ କରିଥିଲେ । ଶେଷରେ ଉଭୟ ବିଦ୍ୟାଳୟ କର୍ମକର୍ତ୍ତା ମାନଙ୍କ ମଧ୍ଯରେ ଏକ ବନ୍ଧୁତ୍ବପୂର୍ଣ୍ଣ କ୍ରିକେଟ ମ୍ୟାଚ୍ ଅନୁଷ୍ଠିତ ହୋଇଥିଲା l
୧୦ ଓଭର ଲକ୍ଷ୍ୟ ରଖି ପ୍ରଥମେ ଡୁଙ୍ଗୁରିପାଲି ପକ୍ଷରୁ ରିଙ୍କୁ ଦର୍ଜୀଙ୍କ ନେତୃତ୍ୱରେ ବ୍ୟାଟିଂ ହେବା ସହିତ ୧୦ ଓଭରରେ ୧୪୩ ରନ ସଂଗ୍ରହ କରାଯାଇଥିଲା। ପ୍ରତିଦ୍ବନ୍ଦି ଦଳ ବରପାଲି ପକ୍ଷରୁ ମୃତ୍ୟୁଞୟ ସାହୁଙ୍କ ଅଧିନାୟକତ୍ଵରେ ଦଳ ୧୦ଓଭରରେ ୧୧୩ରନ୍ ସଂଗ୍ରହ କରିଥିଲେ । ଏହି ମ୍ୟାଚରେ ଡୁଙ୍ଗୁରିପାଲି ଦଳ ବିଜିତ ହୋଇଥିଲେ । ସେହିପରି ମ୍ୟାନ ଅଫ ଦି ମ୍ୟାଚ଼ ଭାବେ ବାଳିକା ବିଭାଗରୁ ପ୍ରତ୍ୟାଶା ତ୍ରିପାଠୀ ଓ ବାଳକ ବିଭାଗରୁ ସାହିଲ କ୍ଷେତି ଘୋଷିତ ହୋଇଥିଲେ । ବେଷ୍ଟ ଫିଲଡର ଭାବେ ସମ୍ବିତ ସାହୁଙ୍କୁ ପୁରସ୍କୃତ କରାଯାଇଥିଲା l ବିଜୟୀ ପ୍ରତିଯୋଗୀଙ୍କୁ ସଂଚାଳନ ମୁଖ୍ୟ ଓ ପ୍ରଶାସନିକ ଅଧିକାରୀ ପୁରସ୍କୃତ କରିଥିଲେ । ଶେଷରେ ସହକାରୀ ଶିକ୍ଷକ ପୁରନ୍ଦର ସିଂହ ଧନ୍ୟବାଦ ଅର୍ପଣ କରିଥିଲେ। ସମସ୍ତ ଶିକ୍ଷକ ଶିକ୍ଷୟିତ୍ରୀମାନେ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ ।
