ନୂଆପଡା- ନୂଆପଡା ଜିଲ୍ଲା ଖଡିଆଳ ମିଶନର ଇମାନୁଏଲ ଦାନୀ ଚର୍ଚ୍ଚ ଅଫ ନର୍ଥ ଇଣ୍ଡିଆ ସମ୍ବଲପୁର ଧର୍ମାଞ୍ଚଳର ବିଷପ ଭାବରେ ନିର୍ବାଚିତ ହୋଇଛନ୍ତି ।ନବ ନିର୍ବାଚିତ ବିଷପ ଇମାନୁଏଲ ଦାନୀ ଖଡିଆଳ ଏନଏସି ୱାର୍ଡ ନଂ -୧ ମିଶନ ର ସ୍ଥାୟୀ ନିବାସୀ ଅଟନ୍ତି । ତାଙ୍କର ପିତା ସ୍ବର୍ଗତ ଇସାହାକ ଦାନୀ ଓ ମାତା ସ୍ବର୍ଗତ. ଶ୍ରୀମତୀ. ଚଞ୍ଚଳା ଦାନୀ ଅଟନ୍ତି । ସେ ଧୀର, ଶାନ୍ତ ଓ ନମ୍ର ଭାବରେ ବେଶ ପରିଚିତ, ତାଙ୍କର ବଡଭାଇ ।
ଶାମୁଏଲ ଦାନୀ ବୋଡେ଼ନ ମହାବିଦ୍ୟାଳୟର ଇଂରାଜୀ ଅଧ୍ୟାପକ ଭାବରେ କାର୍ଯ୍ୟରତ ଅଛନ୍ତି। ଏହାପୂର୍ବରୁ ସେ ବଲାଙ୍ଗୀର ଚର୍ଚ୍ଚ ର ପାଷ୍ଟର ଭାବରେ ଇମାନୁଏଲ କାର୍ଯ୍ୟରତ ଥିଲେ । ନୂଆପଡା ଜିଲ୍ଲାର ଖରିଆର ରୋଡ ଚର୍ଚ୍ଚରେ ମଧ୍ୟ ପାଷ୍ଟର ଭାବରେ ଦାୟୀତ୍ଵ ତୁଳାଇଥିଲେ । ଓଡିଶା ର ତିନି ଗୋଟି ବିଷପ ପଦବୀ ମଧ୍ୟ ରୁ ଗତକାଲି ସମ୍ବଲପୁର ଧର୍ମାଚଂଲ ବିଷପ ନିର୍ବାଚନ କାର୍ଯ୍ୟକ୍ରମ ନୂଆଦିଲ୍ଲୀ ସ୍ଥିତ ଚର୍ଚ୍ଚ ଅଫ ନର୍ଥ ଇଣ୍ଡିଆ ଭବନ ଠାରେ ଆୟୋଜନ କରାଯାଇଥିଲା । ଏଥିରେ ଇମାନୁଏଲ ଦାନୀ ତାଙ୍କର ପାଞ୍ଚ ଜଣ ପ୍ରତିଦ୍ବନ୍ଦିଙ୍କୁ ପଛରେ ପକାଇ ଚର୍ଚ୍ଚ ଅଫ ନର୍ଥ ଇଣ୍ଡିଆ ଅଧିନସ୍ଥ ସମ୍ବଲପୁର ଧର୍ମାଞ୍ଚଳର ବିଷପ ଭାବରେ ନିର୍ବାଚିତ ହୋଇଛନ୍ତି ।
ସମ୍ବଲପୁର ଧର୍ମାଞ୍ଚଳର ମୁଖ୍ୟ କାର୍ଯ୍ୟାଳୟ ବଲାଙ୍ଗୀର ଠାରେ ରହିଅଛି । ନବ ନିର୍ବାଚିତ ବିଷପ ଶ୍ରୀ ଦାନୀ ବଲାଙ୍ଗୀର ଠାରେ ରହି ବିଷପ ଦାୟିତ୍ୱ ତୁଳାଇବେ l ଏହି ଖବର ପାଇବା ପରେ ଖଡିଆଳ ସମେତ ସମଗ୍ର ସମ୍ବଲପୁର ଧର୍ମାଞ୍ଚଳ ରେ ରହୁଥିବା ଖ୍ରୀଷ୍ଟ ଧର୍ମାବଲାମ୍ବି ସହ ତାଙ୍କ ସାଙ୍ଗ ସାଥି ତଥା ବନ୍ଧୁ ବାନ୍ଧବ ନବ ନିର୍ବାଚିତ ବିଷପ ରାଇଟ ରେଭ ଶ୍ରୀ.ଇମାନୁୟାଲ ଦାନୀ ଙ୍କୁ ଫୁଲ ତୋଡା ଦେବା ସହ ସମ୍ବର୍ଦ୍ଧନା ଓ ଶୁଭେଚ୍ଛା ଜଣାଇଛନ୍ତି |
