ଅତାବିରା(ସୁରେନ୍ଦ୍ର କଠାର)-ଅତାବିରା ବ୍ଳକ୍ ଅନ୍ତର୍ଗତ ବୁଗବୁଗା କ୍ଲଷ୍ଟର ଅଧୀନ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ କୁଳୁଣ୍ଡା ଠାରେ ସହକାରୀ ଶିକ୍ଷକ ଶ୍ରୀଯୁକ୍ତ ନିରଞ୍ଜନ ବୁଡେକ ଙ୍କ ଅବସର କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ଏହି ଅବସରରେ ସଭାପତିତ୍ବ କରିଥିଲେ ବିଦ୍ୟାଳୟ ପରିଚାଳନା କମିଟି ର ଚେୟାରମେନ ଶ୍ରୀମତୀ ସନ୍ତୋଷିନି ପ୍ରଧାନ । ମଞ୍ଚାସିନ ଥିଲେ ମୁଖ୍ୟ ଅତିଥି ରୂପେ ସ୍ଵାମୀ ବିବେକାନନ୍ଦ ସ୍ମାରକ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଯାଦବ ପ୍ରଧାନ, ସମ୍ମନିତ ଅତିଥି ରୂପେ ସି.ଆର.ସି.ସି. ନନ୍ଦିଘୋଷ ଭୁଏ, ଜହ୍ମାପଡ଼ା ସି.ଆର.ସି.ସି ରଞ୍ଜନ ବାଗ, ଝିଲିମିଣ୍ଡା ସି.ଆର.ସି.ସି ଧରମ ନାଏକ , ବିଦ୍ୟାଳୟର ପ୍ରଧାନ ଶିକ୍ଷକ ଡୋଲାମଣି ନାଏକ ଏବଂ ବିଦାୟୀ ଶିକ୍ଷକ ନିରଞ୍ଜନ ବୁଡେକ ।
ଅତିଥି ପରିଚୟ ପ୍ରଦାନ କରିଥିଲେ ସହକାରୀ ଶିକ୍ଷୟିତ୍ରୀ ମିନତୀ ଭୂସାଗର । ଏହି ସଭାରେ କ୍ଲଷ୍ଟର ର ବିଭିନ୍ନ ବିଦ୍ୟାଳୟର ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଓ ସହକାରୀ ଶିକ୍ଷକ ଶିକ୍ଷୟିତ୍ରୀ ଯୋଗଦାନ କରିଥିଲେ । ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟିତ୍ରୀ, କମିଟି ସଦସ୍ୟ ସଦସ୍ୟା ମାନେ ବିଦାୟୀ ଶିକ୍ଷକ ଙ୍କୁ ଉପଢ଼ୌକନ ଓ ଉପହାର ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ସଞ୍ଜୟ ମେହେର, ଯଜ୍ଞସେନି ସେଠ୍, ଚାନ୍ଦିନୀ ଦଂଶନା ଏବଂ ବିଦ୍ୟାଳୟ ପରିଚାଳନା କମିଟି ର ସଦସ୍ୟ ସଦସ୍ୟା ସହଯୋଗ କରିଥିଲେ । ଧନ୍ୟବାଦ ଅର୍ପଣ କରିଥିଲେ ସହକାରୀ ଶିକ୍ଷକ ମାନସ କୁମାର ସାହୁ । ଶେଷରେ ବିଦାୟୀ ଶିକ୍ଷକ ଙ୍କୁ ଶୋଭାଯାତ୍ରା କରି ନିଜ ଗ୍ରାମ ବାଞ୍ଜିପାଲି କୁ ନିଆ ଯାଇଥିଲା ।
