ପଦ୍ମପୁର-ଯୁବ ରେଡକ୍ରସର ଇଣ୍ଡକ୍ସନ କାର୍ଯ୍ୟକ୍ରମ କଲେଜର ସମ୍ମେଳନ କକ୍ଷରେ ଅଧ୍ୟକ୍ଷ ଶ୍ରୀଖଗେଶ୍ୱର ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଅଛି। ପ୍ରାରମ୍ଭରେ ଯୁବ ରେଡକ୍ରସର ସମ୍ପାଦକ ଶ୍ରୀ ପ୍ରମୋଦ କୁମାର ପାଣିଗ୍ରାହୀ ସମସ୍ତଙ୍କୁ ସ୍ୱାଗତ କରି ଯୁବ ରେଡକ୍ରସର ଇତିହାସ ଏବଂ ଦେଶ ଗଠନ ପାଇଁ ଯୁବ ଶକ୍ତିର ଗୁରୁତ୍ୱ ଉପସ୍ଥାପନ କରିଥିଲେ। ପଅଧ୍ୟକ୍ଷ ଶ୍ରୀ ଦାସ ଯୁବ ରେଡକ୍ରସ ଅଧୀନରେ ପ୍ରମୁଖ କାର୍ଯ୍ୟକଳାପ ଉପରେ ଆଲୋକପାତ କରି ଛାତ୍ରଛାତ୍ରୀ ମାନଙ୍କୁ ଯୁବ ରେଡକ୍ରସ ସ୍ଵେଚ୍ଛାସେବକ ଭାବରେ ଅସହାୟ ଲୋକଙ୍କୁ ସାହାଯ୍ୟ କରିବା ପାଇଁ କାର୍ଯ୍ୟ କରିବାକୁ ଉତ୍ସାହିତ କରିଥିଲେ। ଯୁବ ରେଡକ୍ରସର ସଦସ୍ୟ ଡକ୍ଟର ମମତାମୟୀ ଗୁରୁ ଯୁବ ରେଡକ୍ରସର ମୂଳ ନୀତି ଉପରେ ଆଲୋକପାତ କରିଥିଲେ ।
ଡକ୍ଟର ସସ୍ମିତା ମେହେର ଉଦାହରଣ ଦେଇ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ଯୁବ ରେଡକ୍ରସର କାର୍ଯ୍ୟକଳାପ ବିଷୟରେ ଉପସ୍ଥାପନ କରିଥିଲେ। ସଭା ଶେଷରେ ଶ୍ରୀ ଦୟାନିଧି ବଗର୍ତ୍ତୀ ଯୁବ ରେଡକ୍ରସ ରେ ଅଂଶଗ୍ରହଣ କରିବାର ସୁଯୋଗ ଗୁଡିକ ଉପରେ ସଂକ୍ଷେପରେ ଆଲୋକପାତ କରି ସମସ୍ତଙ୍କୁ ଧନ୍ୟବାଦ ଦେଇଥିଲେ। ଶ୍ରୀ ପ୍ରଭାତ କୁମାର ମହାପାତ୍ର, ଶ୍ରୀ ସନ୍ତୋଷ କୁମାର ମିଶ୍ର, ଶ୍ରୀ ନବକୃଷ୍ଣ ମିଶ୍ର, ଡକ୍ଟର ତୁଷାରକାନ୍ତ ସାହୁ, ଶ୍ରୀମତୀ ତାପିନୀ ପଣ୍ଡା, ଶ୍ରୀମତୀ ଝୁନୁ ପରିଡା, ଶ୍ରୀମତୀ ମୋନାଲିସା ସ୍ୱାଇଁ ଏବଂ ସମସ୍ତ ଅଧ୍ୟାପକ ଅଧ୍ୟାପିକା ଏବଂ ଛାତ୍ରଛାତ୍ରୀ ମାନେ କାର୍ଯ୍ୟକ୍ରମରେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ।
